ព័ត៌មានរបស់សាលា JICLA សម្រាប់ខែមេសា    ឆ្នាំ2025-2026 

     សូមថ្លែងអំណរគុណយ៉ាងជ្រាលជ្រៅចំពោះអាណាព្យាបាលសិស្សដែលតែងតែគាំទ្រ និងសហការជាមួយសាលារហូតមកដល់ ពេលនេះ។

ជម្រាបសួរ មាតាបិតា និងអាណាព្យាបាលសិស្សអ្នកទាំងអស់គ្នា!! តើបានចូលរួមអបអរសាទរបុណ្យចូលឆ្នាំប្រពៃណីជាតិខ្មែរ ប្រកបដោយភាពសប្បាយរីករាយដែរឬទេ? ដូច្នេះសម្រាប់ឆ្នាំនេះដូចគ្នា សូមបន្តការសហការ និងគាំទ្រនូវគ្រប់សកម្មភាពរបស់សាលាផងដែរ។ 

     នៅថ្ងៃសុក្រ ទី3 ខែមេសាកន្លងទៅនេះ កម្មវិធីបិទបញ្ចប់ឆមាសទី1 ត្រូវបានប្រារព្ធឡើង សម្រាប់សិស្សានុសិស្សថ្នាក់អនុវិទ្យាល័យ។

បន្ទាប់ពីកិច្ចចាប់ផ្តើមកម្មវិធី តំណាងរបស់សិស្សានុសិស្សថ្នាក់ទី7 បានឡើងមកនិយាយអំពីអ្វីដែលធ្វើបានល្អកាលពីពាក់កណ្តាលឆ្នាំមុន ហើយក៏បានប្រាប់ពីគោលបំណងនៃការអភិវឌ្ឍរបស់ខ្លួនបន្តទៀតនៅឆមាសក្រោយ។

     កម្មវិធីនេះត្រូវបានធ្វើឡើង ដើម្បីឆ្លុះបញ្ចាំងពីជីវិតសិក្សាក្នុងឆមាសទី1 (ការរៀនសូត្រ, ការរស់នៅ, ព្រឹត្តិការណ៍សាលា) ហើយធ្វើឱ្យសិស្សមានអារម្មណ៍ជោគជ័យចំពោះអ្វីដែលពួកគេសម្រេចបាន ព្រមទាំងបង្កើតកម្លាំងចិត្តក្នុងការកំណត់គោលដៅ សម្រាប់ឆមាសទី2។

សូមអរគុណចំពោះការចូលរួមកិច្ចសហការ និងការគាំទ្រដ៏កក់ក្តៅនូវគ្រប់សកម្មភាពសិក្សាទាំងអស់របស់សាលា។

     ការបណ្តុះបណ្តាលរបស់បុគ្គលិករយៈពេល3ថ្ងៃ កំឡុងពេលវិស្សមកាលបុគ្គលិកអប់រំទាំងអស់បានត្រៀមរៀបចំសម្រាប់វគ្គសិក្សាថ្មីនៃឆមាសទី២។ យើងបាន សិក្សារៀនសូត្រអំពីទម្រង់ថ្មីនៃការអប់រំ សិក្សាអំពីវិធីសាស្រ្តបង្រៀនពីគ្នាទៅវិញទៅមក និងរបៀបរៀបចំមេរៀនតាមគម្រោងផ្សេងៗ។ នេះ​ជា​ឱកាស​មួយ​ដើម្បី​គិតឱ្យកាន់តែ​ស៊ីជម្រៅ​អំពី​ការអប់រំ​ ដែល​ជំរុញ​ជំនាញ​ដែល​មាន​សារៈសំខាន់​សម្រាប់​កុមារ​JI CLA ដើម្បី​ដើរតួនាទី​យ៉ាង​សកម្ម​ក្នុង​សង្គម។ ដោយប្រើអ្វីដែលបានសិក្សានៅ ក្នុងវគ្គបណ្តុះបណ្តាលនេះ បុគ្គលិករបស់ JICLA នឹងបន្តពង្រឹងជំនាញ និងបង្កើនសមត្ថភាពផ្ទាល់ខ្លួនរបស់ពួកគាត់បន្ថែម។ យើងខ្ញុំនឹង ផ្តល់​ជូន​កុមារនូវអ្វីដែលបានរៀននៅក្នុងវគ្គបណ្តុះបណ្តាល ហើយនឹងលើកកម្ពស់ការអប់រំតាមរយៈការសហការជាមួយសង្គម។

※ យើងខ្ញុំក៏បានរៀនអំពីភាពជាអ្នកដឹកនាំ ការអប់រំ និងអ្វីៗជាច្រើនទៀតផងដែរ!